“Këtu do të gjeni një pjesë të vogël të testeve laboratorike që ne ofrojmë të grupuara sipas indikacionit klinik. Ne e përditësojmë faqen e internetit çdo ditë, por ju mund të na kontaktoni për teste specifike për të cilat kërkoni më shumë informacion.
Sistemi imunitar i fëmijeve dhe shëndeti në tërësi i tyre është shumë herë më i brishtë sesa i një të rrituri, kështuqë kryerja e analizave të këshilluara nga mjeku pediatër është esencial për një shendet të mirë dhe një rritje normale të fëmijës. Kryerja të paktën 1 herë ne vit e një chek up-i pediatrik gjatë moshës 2-12 vjeç mund të parandalojë dhe të parashikojë riskun e fëmijës për semundje kardiake, diabet, obezitet apo sëmundje të tjera sistemike.
Kryerja vjetore e analizave kryesore të gjakut shërben për të qënë të përditesuar me mirëqënien shëndetësore fizike në mënyrë tërësore. Kryerja e këtyre testimeve rutinë mundëson një monitorim të kujdesshëm të shëndetit dhe ndryshimeve të tij gjatë 1 viti. Kapja në kohë e një anomalie mund të ndihmojë në parandalimin e një problemi që mund të japë shqetësime në të ardhmen.
Testet e funksionit të mëlçisë ndihmojnë në detektimin e hershëm të sëmundjeve të mëlçisë si hepatitet apo verdhëza ose edhe thjesht për të vlerësuar ecurinë e një trajtimi që po ndiqet. Gjithashtu dozimi i enzimave të mëlçisë vlerëson nëse mëlçia, nga përdorimi i një sërë mediakmentesh si antibiotikët, antimykotikët, antiinflamatorët, është dëmtuar apo është e shëndetshme.
Këshillohet të kryhet sa herë mjeku e rekomandon për persona me shenja klinike të caktuara, kur mbarojmë një trajtim të gjatë me barna që njihen si dëmtues të melçisë, dhe kryhet çdo 6-8 javë për persona që vuajnë nga sëmundje të mëlcisë si hepatite, cirrozë, probleme me koagulimin e gjakut. Për persona të shëndetshëm rekomandohet të kryet si pjesë e check-up që bëhet 2 herë ose 1 herë ne vit.
Veshkat luajnë një rol vital për një shëndet të mirë. Shenja si tension i lartë, gjak në urinë, veshtirësi gjatë urinimit apo fryrje e pashpjegueshme kërkojnë një testim të funksionit të veshkave. 1 në 3 persona që vuajnë nga diabeti, kanë edhe probleme shoqëruese të veshkave dhe kontrolli i tyre të paktën 1 herë në vit ëshë i detyrueshëm. Por jo vetëm, një vlerësim i funksionit veshkor vlen edhe për persona në dukje të shëndetshëm për t’i paraprirë një sëmundje të mundshme të veshkave në kohë.
Testet e funksionit të tiroides ndihmojnë në vlerësimin e funksionit të tiroides për të diangostikuar në kohë një patologji të saj ose për të monitoruar nëse trajtimi ndaj një patologjie të caktuar tiroidiene po
rezulton efektiv. Persona që vuajnë nga çrregullime të ndryshme të tiroides këshillohet ta ndjekin në dinamikë funksionin tiroidien çdo 3 muaj, sepse gama e gjerë funksioneve të hormoneve që prodhon kjo
gjendër mund të ndikojë në cilësinë e jetës. Gjithashtu individë që vuajnë nga patologji autoimune tiroidiene janë indikacion për ekzaminime të tjera të sëmundjeve autoimunitare.
Shkaku i parë i vdekjeve në botë listohet infarkti i miokardit, i cili është totalisht i parandalueshëm me një ndjekje të kujdesshme dhe te rregullt laboratorike e klinike. Kjo paketë është e këshillueshme të kryhet çdo vit nga burra dhe gra mbi 40 vjeç dhe më herët nëse ka evidence për sëmundje kardiake nga familjarë të afërt për një parandalim dhe kurim më të hershëm të sëmundjes.
Testimi i hormoneve femërore luan një rol të pazëvëndësueshëm në vlerësimin e shendetit të grave. Niveli i tyre jep informacione mbi ciklin menstrual, fertilitetin apo jep një panoramë të përgjithshme mbi menopazuën. Por jo vetëm, hormonet seksuale femerore përveç funksionit seksual orientojnë mjekun rreth shëndetit të kockave, detektimit të hershëm të një sëmundje malinje apo sëmundjeve të ndryshme autoimune (p.sh sindroma e vezores polikistike). Për këto arsye një grua e shëndetshme këshillohet që çdo vit të kryeje një vlerësim të nivelit hormonal, kurse për gratë me sëmundje si vezore polikistike duhen të ndjekin ecurinë e tyre çdo 3-6 muaj.
VLERËSIMI HORMONAL NË PREMENOPAUZË
MENOPAUSE SCREENING
VLERËSIMI HORMONAL NË POSTMENOPAUZË
VLERËSIMI HORMONAL I PËRGJITHSHËM
Një shëndet optimal i burrave dhe djemve kërkon një nivel të hormoneve mashkullore brenda intervaleve të përcaktura si normale. Rëndësi të veçantë duhet t’i kushtojnë burrat që po hyne në andropauzë, të cilët këshillohet të bëjnë një checkup vjetor. Kjo paketë informon pacientin për funksionin e organeve gjenitale, sistemin imun, masën muskuloare dhe kockore. Testet hormonale janë të indikuara edhe tek meshkujt që vuajnë nga infertiliteti.
Sëmundjet reumatizmale prekin artikulacionet, ligamentet, kockat dhe muskujt. Njihen ndryshe si sëmundjet muskulo-skeletike. Diagnostikimi i tyre në kohë dhe monitorimi i vazhdueshëm ka treguar se simptomat dhe problematikat që mund të përjetojë pacienti reduktohet ndjeshëm. Kryerja e tyre çdo 3 muaj është e domosdoshme për pacient me diagnozë te konfirmuar.
Një nga problemet më të mëdha shëndetësore të botës industriale sot është mungesa e hekurit në organizëm. Falë një testimi fare të thjeshtë, që këshillohet të kryhet rutinë 2-3 herë në vit dhe në rastet me mungesë kronike hekurit çdo 3 muaj cilësia e jetës do të përmirësohet mjaft ndjeshëm për çdokënd që vuan nga deficit i hekurit.
I cilësuar si truri i dytë i organizmit të njeriut, për shkak të inervimit të mëvetësishëm që ka truri, mirëqënia e traktit gastro-intestinal konsiderohet esenciale për një jetë të shëndetshme dhe të gjatë. Kontrolli i vazhdueshëm vjetor i sistemit tretës konsiderohet tepër i rëndësishëm si për personat që vuajnë nga patologji të traktit tretës ashtu edhe për moshat mbi 50 vjeç.
Cilësohet si një nga testimet mjaft të thjeshta, por me një gamë mjaft të gjerë të detektimit të sëmundjeve të ndryshme si dislipidemitë, riskun për sëmundje kardiovaskulare, pankreatit apo sëmundje të tjera metabolike. Përpos vlerës së tij monitoruese të patologjive, ky profil shërben dhe si mjet për depistimin e tyre.
Sot 8.8% e popullsisë botërore vuan nga diabeti dhe kjo sëmundje është përgjegjëse për 4.2 milion vdekje në vit. Një ndjekje çdo 3 muaj është esenciale për të siguruar efektivitetin e trajtimit dhe për të vlerësuar ecurinë e pacientit.
Gjithashtu paketa e vlerësimit të riskut për të zhvilluar diabet është një inovacion që ofrohet në Heidelberg, tashmë edhe në Shqipëri.
Për një konfirmim të shtatzanisë, një testim gjaku është i paevitueshëm. Falë matjes së βHCG dhe proteinës plazmatike-A, nënat sigurohen për shtatzaninë e tyre dhe mund të procedojnë me testimet e tjerat përkatëse të nevojshme për një shtatzani normale. Përpos kësaj ne sugjerojmë të bëhet vlerësimi i anemisë dhe glicemisë së bashku me serologjinë infektive TORCH.
Një nga revolucionet e mjekëisë moderne, markuesit tumoral janë indikatorë esencial, jo invaziv që ndihmojnë në diangozën e hershme të një tumori. Edhe pse të frikshme, sëmundjet tumorale janë tërësisht të shërueshme nëse kapen herët.
Personave me histori familjare ju këshillohet të kryjnë çdo 3-5 vite një kontroll të markuesve tumoral dhe pas moshës 50 vjeçare kryerja e tyre këshillohet të jetë vjetore dhe të përfshijë një gamë të gjerë të këtyre markuesve. Në Laboratorin Dr.Limbach në Shqipëri këto teste të ralla kryen nga analizatorët tanë.